روح اللہ موسوی کے استعفے کی مذمت، عمر عبداللہ کی قیادت کی مکمل حمایت کا اعلان — شیعہ مولانا حسن علی راجانی

نئی دہلی، 2 نومبر: ممتاز شیعہ عالمِ دین و رہنما مولانا حسن علی راجانی نے سید روح اللہ موسوی کی جانب سے 3 نومبر کو اپنی پارٹی سے مستعفی ہونے کے فیصلے پر سخت افسوس اور مذمت کا اظہار کرتے ہوئے کہا ہے کہ موجودہ سیاسی حالات میں اس طرح کا فیصلہ کشمیر کی سیاست اور عوامی نمائندگی کے حوالے سے کئی اہم سوالات پیدا کرتا ہے۔مولانا حسن علی راجانی نے کہا کہ کشمیر میں شیعہ برادری پہلے ہی اقلیت در اقلیت کی حیثیت رکھتی ہے۔ ایسے حالات میں سیاسی قیادت کے درمیان اختلافات اور جماعتی علیحدگی سے اقلیتی طبقوں کی سیاسی نمائندگی اور اجتماعی آواز متاثر ہونے کا خدشہ رہتا ہے۔ کسی بھی رہنما کو اپنے سیاسی فیصلوں کے دور رس اثرات کو سامنے رکھنا چاہیے۔انہوں نے کہا کہ کشمیر میں سنی مسلمانوں کی آبادی اکثریت میں ہے اور وہاں عمر عبداللہ سمیت متعدد سیاسی شخصیات اور قیادتیں عوامی سیاست میں اپنا کردار ادا کر رہی ہیں۔ عمر عبداللہ کی قیادت اور نیشنل کانفرنس کے سیاسی کردار کو کشمیر کے موجودہ حالات، جمہوری نظام اور عوامی مسائل کے تناظر میں دیکھا جانا چاہیے۔مولانا راجانی نے مزید کہا کہ کشمیر کو اس وقت سیاسی استحکام، عوامی اتحاد، ترقی، روزگار، تعلیم اور تمام مذہبی و سماجی طبقات کے حقوق کے تحفظ کی ضرورت ہے۔ سیاسی اختلافات کو ذاتی انا اور جماعتی مفادات کے بجائے عوامی مفاد اور جمہوری اصولوں کے مطابق حل کیا جانا چاہیے۔انہوں نے زور دیتے ہوئے کہا کہ کشمیر کی شیعہ برادری سمیت تمام اقلیتوں کو سیاسی عمل میں مؤثر نمائندگی ملنی چاہیے۔ کسی بھی سیاسی رہنما کا فیصلہ پوری برادری کی اجتماعی رائے نہیں سمجھا جا سکتا۔ کشمیر کے عوام کو یہ حق حاصل ہے کہ وہ اپنی سیاسی قیادت اور مستقبل کے بارے میں آزادانہ رائے قائم کریں۔مولانا حسن علی راجانی نے کہا کہ کشمیر کی سیاست میں اتحاد، جمہوری رواداری، اقلیتوں کے حقوق اور عوامی مسائل کو اولین ترجیح دی جانی چاہیے۔